Cebu City-Gidepensahan ni Presidential Legal Counsel Atty Salvador Panelo si Justice Secretary Vitaliano Aguirre II batok sa mga kritiko niini nga nanawagan nga taktakon ang kalihim tungod sa pagbasura sa DOJ panel sa kaso nila ni Kerwin Espinosa, Peter Lim,Peter Co at iba paug uban pa.
Sa pakighinabi sa Bombo Radyo Cebu kang Atty. Panelo, giingon niini nga unfair usab nga taktakon dayon sa pwesto si Secretary Aguirre sanglit aduna man kini proseso nga gisunuod .
Ingon niya nga gikan sa National Prosecution Service (NPS) ipasa pa ang desisyon sa lamesa ni Secretary Aguirre kung diin e-review pa kini sa kalihim. Mamahimo usab nga e-revoke o e-refine niini ang desisyon dependi sa mamahimong resulta sa iyang pag review.
Mamahimo usab matud pa nga musulod ug manghilabot ang presidente niini isip pinaka-uwahi nga mu-review sa nahimong desisyon sa DOJ.
Gihimug-atan usab ni Panelo nga kung ugaling man mamahimong pinal na ang pagbasura sa kaso matagaan usab og higayon ang mga complainant nga mu-sumiter og dugang pa nga ebidensiya para mapamatud-an nga aduna gyuy tulubagon ang ilang gi-akusahan.
Una na nga nanawagan ang Makabayan Block nga mukanaog na lang sa pwesto si Aguirre.
