CEBU CITY – Malampuson ang pag-obserbar sa Earth Hour kagabie nga gipahigayun sa Plaza Independencia, dakbayan sa Sugbo.
Kung diin ang maong kalihukan gisalmutan mismo ni Cebu City Tommy Osmena, mga opisyales sa gobyerno ug mga environment advocates.
Gawas sa pagpalong sa mga suga isip symbolic act para ipakita ang pagpakabana nga ipreserba ang enerhiya sa kalikupan, adunay usab gipahigayun nga fire dance ug candle lighting.
Nagpahigayun usab ug bike ride ingun man fun run nga gisalmotan sa nagkadaiyang bikers group sa dakbayan.
Basi sa gipahigayun nga aktibidad sa wala pa ang mismong pag-obserbar, gibutyag ni Nida Cabrera, ang head sa CENRO nga adunay mga grupo nga mipromote ug youth solar lamp kung diin adunay gitrain ang 20 ka mga barangay kung unsaon paghimo ug suga, gani gihatag ra usab ug libre ang nahimo niini.
Simple lang matud pa ang highlights sa maong mga aktibidad kung diin pagpakita nga pwede ra makatabang ang mga indibidwal bisan man sa gamay nga butang nga makaproteher sa kinaiyahan.
Hinungdan nga gi-awhag ni Cabrera ang publiko nga mutabang sa pagpreserbar pa sa planeta sama nalang sa pagsegregate sa basura, pagrecycle sa mga basura ug dili paggamit ug plastic sanglit dako man kini nga epekto ngadto sa kalikupan.
