Cebu City- Mikabat 3.8 milyones ka pesos ang natalang danyos sa nahitabong sunug sa Barangay Tabok, dakbayan sa Mandaue kagahapun sa hapon.
Gibutyag ni BFP Regional Director Samuel Tadeo nga gilamuy sa kayo ang 40 ka mga panimalay lakip na ang usa ka furniture shop kung diin adunay mga rattan nga gamit hinungdan nga gipasaka usab sa general alarm ang maong sunug.
Nasayran nga nagagikan ang sunug sa ginganlan ug Rebecca Cahigan apan padayun pa nga gisuta karun sa kabomberohan kung unsa ang hinungdan sa pag-ulbu sa kayo.Duna usab 2 ka mga tawo ang nakaangkon ug minor injury sa insidente .
Samtang giangkon usab ni Tadeo nga nadugay sila sa pag-abut sa fire scene gumikan sa traffic ingun man nga hagip-ut usab ang dalan ug naglisud sila sa pag-penetrate sa area.
