CEBU CITY-Karong panahon sa ting-init, mipahinumdum ang Department of Health Region 7 sa katawhan kabahin na sa mga sakit nga angayan nga batayan karong panahon sa ting- init.
Matud ni Dr Genevieve Dajay, ang Physician sa Augmentation Deployment Project sa DOH 7 , kasagarang sakit karon ting-init mao ang mga sakit sa panit .Gumikan sa daghang mga activities karong summer season, common na kaayo nga sakit sa panit ang sunburn.
Matud ni Dr. Dajay nga mas maayo kung likayan ang tuman nga pagpainit hilabi na gikan sa alas 10 sa buntag hangtud na sa alas tres sa hapon, mugamity ug mga pangprotektar sa panity sama sa sunblock ug mga sinina nga taas ang sleeves.
Kagaran usab sa mga sakit nga mutumaw mao ang sore eyes diin usa ka makatakud nga sakit.Matud pa ni Doctor Dajay nga dili gyud angay nga magpataka lang ug palit ug eyedrops ug ibutang sa mata ug dapat duna gyuy doctors prescription kon resita.
Uso usab karon ang diarhea kon pagkalibanga gumikan sa mga pagkaon nga dali madaot o mapan-os gumikan sa kainit sa panahon.Angayan usab nga bantayan ang mga iro sanglit basta panahon sa summer diin ang mga tawo ang sagad gyud nga mugawas sa ilang balay, musaka usab ang ihapn sa mga mapaakan sa iro.
Samtang bisan ug ting-init, dili gayud ka kumpyansaan ang panahon kay usahay kalit lang nga mubunuk ang uwan.
Mahimo usab kini nga maka-apekto sa panglawas. Posible usab nga mutumaw ang mga ubo ug sip-on.
