CEBU CITY-Gitigbas hantod napatay sa usa ka lalaki ang iyang live-in partner sulod mismo sa ilang balay sa Valeriano Compound, Upper Labugon dakbayan sa Mandaue. Giila ang suspek nga si Danilo Lagno, 41 anyos ang pangidaron samtang ang biktima mao si Analisa Lagno, 42 anyos ang pangidaron ug 4 ka tuig na kini silang nag live-in.
Nasayran nga ang kining biktima asawa kini kaniadto sa igsuon sa maong suspetsado. Una niini, gibutyag ni PO1 Anor Rabinzoro nga nagsugod kini sa gamay nga away kay matod pa adunay lain nga lalaki ang biktima hantod ni-resulta sa pag-pinatyanay.
Gamit ang sundang gitadtad sa susupek ang biktima hantod mamatay kini ug paghuman sa panghitabo giduslak usab sa suspetsado ang iyang kaugalingon gamit gihapon ang sundang nga iyang gigamit sa pagpatay.
Gidala pa sa tambalanan ang suspetsado apan gi deklara na kinig dead on arrival samtang ang biktima gi deklarang dead on the spot.
