CEBU CITY – All set na ang Private Schools Athletic Association (PRISAA) meet para sa opening ceremony ugma sa alas 2 sa hapon Carlos P. Garcia Sports Complex dakbayan sa Tagbilaran, probinysa sa Bohol.
Matud ni Bohol Governor Edgar Chato nga ready na ang ilang lugar sa pagdawat sa 18 ka mga contingents nga nagikan sa nagkalain-laing private schools sa lain-laing region sa nasud nga musalmot sa naasoy nga meet.
Gibana-bana nga muabot sa 7,000 ka mga athletes, ug coaches gikan sa 18 contingents ang muabot sa Bohol kung diin una nga nga nangabot ang pipila niini kagahapon.
Hugot na usab ang seguridad sa Bohol karon kung diin sayo palang andam na ang mga security forces, security responce ug emergency team para masiguro nga safe ang tanan nga delegado.
Gikalipay usab ni Chato nga natagaan ilang probinsya og higayon nga mahimong host sa PRISAA 2018. Milaum kini nga mamahimong hapsay ang maong event ug mupasulabi ang sportsmanship sa matag delegado.
Milaum usab si Chato nga mag-enjoy ang mga bisita sa mga tourist spot ug ingon man sa ‘hospitality’ sa mga lumulopyo sa Bohol.
