CEBU CITY-Naa sa kritikal nga kondisyon ang usa ka brodkaster human kini gipusil sa riding in tandem pasado alas 10 sa buntag sa may Brgy. Daro dakbayan sa Dumaguete, Negros Oriental.
Giila ang biktima nga si Edmund Sestoso, usa ka anchorman ug blocktimer sa DYGB FM Power 91.
Basi sa imbestigasyon, giingon ni SPO2 Julito Deloria ang imbestigador sa Dumaguete Police Station nga mao pa pagkanaog sa biktima sa gisakyan niini nga motor ug muhatag na unta sa iyang plite sa dihgang kalit nga mitumaw riding in tandem ug gipusil kini.
Dali usab nga miikyas ang mga suspect. Gihulagway nga ang driver sa motor nagsul-ob og bonet samtang ang sakay niini nga mao mismo ang mipusil ni Sestsoso wala tabon sa nawong.
Naka-angkon og duha ka igo sa dughan, duha sa bukton ug usa sa paa ang biktima nga karon padadyon nga gi-obserbaran sa mga docktor.
Padayon usab nga gisuta sa mga pulis ang motibo sa pagpusil ug ang pagkatao sa mga suspect.
