CEBU CITY-Wala na gikahibulong ni Senator Antonio Trillanes IV ang pag-abswelto sa Ombudsman nilang kanhi Davao City Vice Mayor Paolo Duterte ug sa bayaw niini nga si Atty Maneses Carpio subay na sa 6.4 billion pesos nga shabu shipment nga gikan sa China.
Matud ni Trillanes nga wala na kini madisyma gumikan kay iya namang gilauman ang maong desisyon. Suma niini nga dili imposible nga maabswelto gayud ang duruha sanglit dako man sab ang impluwensya sa pamilyang Duterte.
Apan gihimug-atan ni Trtillanes nga dili matapos dinhi ang iyahang paggukod sa pamilyang Duterte ug sa tanan nga mga inviolve sa iligal nga drogas.
Matud ni Trillanes nga sa higayon nga wala na sa pwesto ug mawagtangan na ug gahum ang pamilya ni Duterte, iyang ipadayon ang iyahang pagpasaka ug kaso aron mapatubag gayud ang tinuod nga nagpaluyo sa iligal nga drogas
