Cebu City- Gipahimangnuan ni Atty Marchel Sarno , ang Election Officer sa dakbayan sa Talisay , ang tanang kandidato karong barangay ug SK elections nga mangin professional ug mature sa ilang pagpangampanya karong nagsugud na ang campaign period.
Matud ni Sarno nga base sa ilahang na obserbaran sa mga milabayng elections sa barangay, maisip nga usa kini sa mga init nga pinili-ay sa nasud sanglit ang mga magkaatbang , managsilingan ra ug magkapamilya.
Gumikan niini, matud ni Sarno nga angayang dili magpalabi sa pagpanaot sa ilang isig kandidato ang mga mudagan karong election .
Angayan matud pa nga dawaton sa tanang kandidato ang kamatuoran nga sa matag pinili-ay , duna gyuy makadaug ug duna gyuy mapilde.
Samtang, nagpadayon usab karon ang pagpahigayopn ug training alang sa mga magtutudlo nga mag serbe isip miembro sa electoral board. Ang maong training ang mulanat hangtud na sa Mayo 11.
