CEBU CITY-Naa sa state of shock gihapon ang mga empleyado sa munisipyo sa lungsod sa Buenavista, Bohol tungod sa pagkamatay ni Mayor Ronald Tirol.
Sa pakighinabi sa Bombo Radyo Cebu kay Buenavista, Bohol Vice Mayor Dave Duello, giingon niini nga nakugang pa gihapon sila sa nahitabo sa mayor tungod kay kalit kaayo ang kamatayon niini.
Gihulagway sa Bise mayor nga dali ra madoulan og tao si Mayor Tirol ug daghan sila ngahimo nga proyelto tungod sa kamaayo niini. Gani, nahugpong pa niini matud pa ang political clan sa kanilang lugar hinungdan nga walay midagan isip mayor niadtong nakalabay nga eleksyon para muatbang ni Tirol.
Kini matud pa ang nakita nga rason ni Duello kung nganu gipatay ang mayor tungod sa kumpyansa.
Samtang,emosyosyunal usab ang usa sa mga empleyado sa Munisipyo sa naasoy nga lungsod nga si Conchita Ramos. Matud niini, nga but-an ug kusog managad ang mayor sa tana nga mga empelyado bisan pa gani sa mga tigsilhig lang.
Tungod sa nahitabo nagbangutan karon ang kinatibuk-ang munisipalidad sa Buenavista.
Gusto karon ni Vice Mayor Duello nga tinood nga imbestigasyon ug dili pasangil lang angayan nga himoon sa PNP para matumbok kunga unsa ang tinood nga hinungdan ug ang tinood nga hinungdan kung kinsay tinood nga responsabli sa pagpatay kang Mayor Tirol.
