Kapin 1.5M nga kantidad sa shabu nasakmit sa high level target sa probinsya sa Bohol

Cebu City- Kapin 1.5 milyones ka pesos nga kantidad sa shabu ang nasakmit sa gipahigayon nga operasyon sa kapulisan sa Drug Enforcement Group sa Poblacion Panglao sa probinsya sa Bohol.

Ang subject sa operasyon mao si Rey Cesar Arania ug giisip nga high value target level 1 gumikan sa kadako nga ma dispose niini matag semana.

Nakuha gikan sa subject ang 3 ka dagkong pakete nga nag unud ug gituohang shabu nga duang DDB value nga 1,770,000 pesos.

Matud ni Police Supt Glenn Mayam nga ang dinakpan nalambigit sa bigtime nga illegal drug group.

Sa pagkakaron gisuta pa sa kapulisan ang tinubdan sa supply sa maong dinakpan.