CEBU CITY-Nabulabog ang Ronda National Hisghschool sa lungsod sa Ronda probinsya sa Cebu human nga matud pa nasudlan og mga dautang espiritu ang dul-an 30 ka mga estudyante .
Matud ni SPO1 Edmund Obeso sa Ronda PS nga kalit lang nga naghinilak ang mga tinun-an ug ang uban nakuyapan.
Basi sa statement sa pipila ka mga estudyante, duna matud pa usa ka tinun-an ang giingong nakakita og usa ka bata nga ‘blurred’ ang nawng hayan nahadlok kini og naghinilak. Pagkahuman sa pila ka minuto naghinilak na usab ang ubang mga bata ug ang uban naghysterical.
Dali usab nga gidala ang maong mga estudyante sa ilang Rural Health Unit (RHU) para mahiling. Matud sa doctor nga ‘hyperventalation’ ang hinungdan mao nga nakuyapan ang mga estudyante. Tungod matud oa kini sa sobra nga init sa classroom.
Samtang ang ubang mga estudyante gidala usab sa simbahan nga dool lang usab sa RHU ug matud pa sa Parish priest nga si Fr. Virgilio Delloso,nga usa ka ‘mass hysteria’ ang nahitabo.
Aduna matud pay dautang espirirtu nga mibulabog sa mga estudyante. Gibutangan sa pari og holy oil ang mga ulo sa mga estudyante ug taud-taud lang na-okay na kini.
Nasayran nga magpahigayon unta og earthquake drill ang BFP ug ang PNP sa moang tunghaan apan wala na gidayon tungod sa nahitabo.
