CEBU CITY-Kagool ug kalagot ang gibati karon sa live in partner sa napatay nga sharp shooter ug multi-awarded police officer sa Sugbo na si SPO1 Adonis Dumpit.
Sa ekslusibo nga pakighinabi sa Bombo Radyo Cebu kang Maria Ella Amores, ang live in partner ni Dumpit, giingon niini nga unta patas ang nahitabong away para sa iyang bana.Kini may kalabot na sa mga matud pa nasaksihan sa mga witnesses sukwahi sa giingon sa mga PNP ug NBI nga legitimate drug operation ang nahitabo sa dihang napatay si Dumpit.
Mismong ang pagumangkon pa niini nga 3 anyos ang migawas atol sa panghitabo kay naay gipalit sa tindahan ang midagan pabalik sa ilang balay para musumobong kay matud pa gipusil sa mga pulis ang iyang “daddy”.
Nasayran nga sa wala pa napatay si Dumpit matud pa aduna nay Van ug laing sakyanan ang nag-atang niini sa gawas ug matud pa sa sa usa sa mga silingan ni Amores nga wala nagpahingan nga nanulod pa ang mga lalaki sa balay niini para manghuwam og sinina para itaptap sa ilang mga nawng.
Ug sa dihang nakagawas na sa balay si Dumpit matud pa nakabati nalang kini og siyagit nga “assault” dayon nadungog niya ang buto-buto.
Pagtino usab ni Amores nga rapido ang iyang nadungog ug pagkahuman niini nakabati siya og 4 ka tagsa nga boto nga susama og gikan sa usa ka 45 caliber pistol.
Gikasuko usab karon ni Amors ang pasangil nga nakuhaan og 15 sachet nga mga pakete sa shabu si Dumpit sa iyang bulsa tungod kay matud pa bagong tahi ang karsones ni Dumpit ug iya pa kini nga giyagyag para matangtang ang mga excess nga tanod hayan sigurado siya nga wala kini sulod sa bulsa.
Gani nangayo pa kini niya og kwarta kaniya sa wala pa milakaw.
