CEBU CITY-Migawas sa resulta sa autopsy ni SPO1 Adonis Dumpit nga 20 kabook ang igo sa pulis kung diin 3 niini nga miigo sa iyang ulo ang hinungdan sa iyang kamatayon.
Matud ni Dr. Rene Cam, ang medico legal sa NBI-7 nga maoy mi-autopsy sa lawas ni Dumpit nga fatal ang igo ni Dumpit diin gitino pa nga M16 rifle ang gamit sa pagpusil niini
Nasuta nga sa ulo nga mga igo ang labing fatal diin 3 ka bala ang milapos sa ulo niini. Natusak usab ang lawas ni Dumpit nga nakaangkon og 11 ka igo nga gikaguba sa iyang kidney,atay ug baga.
Naka-angkon usab kini og mga 3 ka igo sa bukton, 2 sa paa ug 1 sa tuhod diin gitino sa doktor nga wala makasulod ang bala.
Dugang pa niini nga ang trajectory sa bala sa iyang igo sa ulo ‘downward’ kun paubo.
Nunot niini, gihimug-atan ni Dr. Cam nga dili overkill ang nahitabo pinaagi sa sirkumstansiya sa pag-autopsy.
