Cebu City– 15 ka mga armas ang nakuha sulod sa usa ka bus nga gipalit sa Local Government Unit sa Marabot Samar kagabie. Ang bus ang naa na sa sulod sa usa ka roro vessel nga paingon sa Ormoc .
Matud ni Cebu City Police Office Director Police Sr Supt Royina Garma nga nakadawat ug impormasyon ang Waterfront Police station kabahin sa presensya sa mga armas sa maong bus hinungdan nga dali sila nga nagpahigayon ug inspeksyon.
Una nga nakita sa mga otoridad ang usa ka caliber .45 nga naa nakapatong sa ibabaw sa usa ka speaker. Gumikan niini giutiongkay pa sa mga otoridad ang compartment sa speaker buffer ug didto nakita ang 10 usab ka mga caliber .38 rvolver ug lain pang caliber .45 pistol . Nakuha usab ang 5 ka mga extra magazine .
Nasikop usab sa maong operasyon ang duha ka mga suspect nga sila si Joel Pedrosa, 45 anyos, residente sa Brgy Tinabanan, Marabot, Samar ug Herman Gagmatan, 31 anyos ug residente sa Brgy Binukyahan Marabot Samar.
