CEBU CITY- ‘Wish granted’ para kang Cebu City Mayor Tomas Osmeña ang paghulip ni Gloria Macapagal-Arroyo kang Pantaleon Alvarez isip bagong House Speaker.
Kini human nga una na nga giingon ni Osmeña kagahapon nga ang birthday wish niya para sa iyang adlaw nga natawhan karong adlawa mao ang pagkatangtang ni Alvarez isip House Speaker.
Matud ni Osmeña nga nagtoo siya nga si Alvarez ang nagpaluyo sa gahom nila ni Presidential Assistant for the Visayas Michael Dino ug Cong. Gwen Garcia nga iyang mga kritiko.
Nagkanayon kini nga si Alvarez usa sa mga supporter sa iyang mortal enemy nga si Michael Dino hayan dako ang kalipay sa mayor nga hingpit na nga tangtang sa position si Alvarez.
Kung mahinumduman, nagbaylo-ay usab ug hang nga mga pulong si Alvarez ug si Osmeña human nga giingon ni Alvarez nga nalambigit si Osmeña sa iligal nga drogas ug matud pa drug protector kini.
Samtang, nagtoo usab si Osmena nga makatabang sa iyang administrasyon si Arroyo ug sigurado nga musupora kini sa mga proyekto para sa mga sugbuanon tungod kay suod sila.
Dugang pa sa Mayor nga basi sa kasaysayan, si Arroyo lang ang bugtong presidente nga nanumpa sa atubangan sa mga Cebuano subay na usab sa iyang request.
