CEBU CITY – Dili matud pa pwede nga mag ‘speculate’ o magtag-an tag-an nalang sa mga pangitabo sa likod sa ambush incident kung diin napatay ang PDEA-7 agent nga si Von Rian Tecson niadtong nakalabay nga adlaw sa may Brgy. Perrelos dakabayan sa Carcar probinysa sa Subgo.
Kini maoy gitataw sa deputy officer sa Carcar Police Station nga si PInsp. Warlito Tunyacao.
Nunot na usab sa mga migawas nga report nga usa ka aktibong pulis matud pa ang mibanhig kang Tecson diin naigo usab kini human nga makabawos ang agent.
Matud pa sa mga nangawas nga report nga DOA usab ang gitudlong pulis nga ginganlang PO3 Roderick Balili. Mismong si Cebu City Mayor Tomas Osmeña usab ang nag-ingon nga usa ka pulis ang naa sa iyang lista ang mitira sa PDEA agent.
Tungod niini, gihimug-atan ni Tunyacao nga on going pa gihapon ang ilang imbestigasyon ug tanang angulo ilang gitan-aw karon. Pagtino pa niini nga dili pa gihapon nila mavalidate ang impormasyon nga pulis gyud ang mibanhig patay ni Tecson.
Apan giisguro niini nga dili nila isalikway ang mga reports nga ilang nadawat nga dunay kalambigitan sa kaso sanglit hangtud karon wala pa gihapon silay lead.
