CEBU CITY – Hisgutanan karun sa lungsod sa San Fernando ug dakbayan sa Naga, probinsiya sa Sugbo ang giingung aswang nga mikaon sa mga kahayupan.
Sa pakighinabi sa Bombo Radyo kang Cebu Provincial Police Office chief, Police Sr/Supt Manuel Abrugena, gibutyag niini nga daghan na silang nadawat nga reports gikan sa mga residente sa mga nahisgutang lungsud nga namatay ang ilahang mga binuhi nga manok ug kanding kung diin makita nga wala na kini mga tina-i.
Matud ni Abrugena nga daku gayud ang pagtu-u sa mga residente nga gi-aswang ang ilahang mga binuhi nga kahayupan.
Subay niini, nagpagawas ug kamandu-an ang hepe ngadtu sa mga pulis sa nahisgutang mga lungsud nga magpahigayun ug foot patrolling ilabi na panahon sa kagabhi-un.
Giklaru usab ni Police Sr/Supt Abrugena nga dili ‘alarming’ ang insidente ug gisiguru niini sa mga nagreklamu nga residente nga adunay resulta ang ilahang ipahigayun nga imbestigasyon.
