CEBU CITY-Gikabalaka karon sa Mayor sa Talisay City, Cebu nga si Mayor Eduardo Gullas ang pagkarelibo sa tanan nga police force sa Talisay.
Kini tungod kay matud pa naghitak na ang iligal nga drogas sa naasoy nga siyiudad kung diin mismong si Presidente Rodrigo Duterte ang nag-ingon nga hot bed sa shabu ang Talisay.
Matud ni Mayor Gullas, na nabalaka siya sa paspas nga pagpa relieve sa tanang pulis sa iyang siyudad sanglit dako matud pa kini og epekto sa mga investors.
Dako matud pa ang posibilidad nga ma-intimidate ang mga investors sa paspas nga panghitabo.
Dugang pa niini, kay matud pa gamay pa og experience ang mga police nga gibutang sa Talisay sanglit mga bago man kini.
Apan bisan paman gipasalig sa mayor nga dili matud pa siya manghilabot sa mga police operation ug ihatag niya ang iyang suporta. Dugang pa ni Gullas, nga magsilbi usab siya nga umano siya maguwang nga igsoon sa mga bagong Talisay PNP.
Nunot niini,giturn-over na usab sa bagong police personnel sa Talisay City ang duha ka Nissan Navaro Pick Patrol Car nga mikantidad og 2.2 milyon pesos.
Gipasalig pa usab ni Gullas nga mutabang ang city govt. sa kapulisan ug gi-awhag pa kini sa mayor nga dili magduha-duha sa pagdool kaniya para sa kung unsa man ang tabang nga kinahanglan niini.
Una niini, girelibo ang 69 ka mga police officers sa naasoy nga siyudad ug 8 niini ang nag-atubang sa imbestigasyon tungod matud pa sa kalambigitan niini sa sa iligal nga drogas.
Temporaryong gitransfer ang mga narelieved nga mga pulis sa Regional Mobile Police Battalion samtang mga sakop usab Regional Mobile Force Battalion sa PRO-7 ang mihulip niini.
Bugtong ange hepe lang nga si PSupt Marlu Conag ang waka na relieved sa pwesto.
