CEBU CITY – Nagkalain-laing klase sa ug gidakon sa shabu, kwarta nga muakabat sa kapin P80,000, cellphones, ug party drugs ang nakuha sa Philippine National Police (PNP) ug PDEA sa gipahigayon nga surprise greyhound operation sa Cebu Provincial Detention and Rehabilitation Center (CPDRC) kaganinang buntag.
Matud sa CPDRC Warden nga si Reynaldo Villamor nga sa wala pa ang operation nangayo na siya og tabang sa Police Regional Office (PRO-7) tungod kay dili niya kini kaya nga siya lang. Dali usab nga misanong ang PRO-7 hinungdan nga nagpahigayon og surprise inspection.
Matud ni C/Supt. Debold Sinas, ang Regional Director sa PRO-7 nga magtibangay nalang imbis nga magbasulay.
Mga bago nga recruit nga PNP ang nagpahigayon og operation para makita matud pa niini nga dili dali ang trabaho sa mga jail guards hayan mas maayo nga magkahiusa nalang.
Samtang padayon usab nga gisusi ug giimbestigaran ang nakuha nga mga party drugs. Nasayran nga ugma angy kapiyestahan sa Birheng Fatima maoy patron sa naasoy nga facility hayan gitoohan kini nga gamiton sa mga detainee ato sa kasaulugan.
Pipila pa oras matud pa ang huwaton para masuta kung ecstacy ba ang naasoy nga mga party drugs. Kung mahulagway, heart shaped kini, colorful at ug dunay pay mga korte pang teddy bear nga parang mga candy.
Samtang, gipahigayon ug nagpadayon ang greyhound operation duna pay mga PNP nga mikanta og mga 80’s pop songs pinaagi sa live band para matud pa sa hepe nga mamenosan ang tension tungod kay intense ang naasoy nga greyhound operation
