CEBU CITY-Tanggong sa prisohan ang usa ka pekeng dentista human masikop sa entrapment operation nga gipahigayon sa Criminal Investigation and Detection Group (CIDG) sa Brgy. Pardo dakbayan sa Cebu.
Giila ang maong fake dentist nga si Karen Bucog ug nagpuyo sa naasoy nga lugar.
Matud ni Dr. Felix Asoy, ang Philippine Dental Association (PDA) Cebu Chapter President nga nadiskobrehan nila ang iligal nga transaction sa dihang midangop ang usa ka certain Grace sa usa ka dentista nga higala ni Dr. Asoy para unta magpa-ibot og ngipon.
Sa dihang ibtan na unta sa dentista ang pasyente nabantayan niini nga duna kini pustiso nga naka-attach sa braces ug dili niya maibtan hinungdan nga gipangutana niini og gipangayau-an niya og referral form gikan sa iyang dentista. Dili matud pa makahatag og kompleto nga pangalan ang pasyente ug giingong sa online lang niya nakita ang maong dentista.
Tungod niini midangop ang PDA sa CIDG ug nagconduct sila og entrapment kung diin caught in the act ang naasoy nga fake dentist nga nagperform og denture procedures kun pagtaud og postiso.
Suma pa ni Dr. Asoy sa nadiskubrehan nila nga mga apparatus ni Bucog, baratohon lang ug dili usab sakto ang procedure niini.
Fake usab matud pa ang Facebook account niini kung diin migamit pa kini og alyas Janice nga pangalan ug daghan kusab kining nakombinsi.
Nasayran nga nakatrabaho si Bucog sa Saudia Arabia isip assistant sa dentista mao nga naa kini gamay nga kaalam. Apan
pahimangno ni Dr. Asoy nga dili dayon mutoo sa mga nagpa-ila nga mga dentista sa social media ilabina kung online ang transaction niini.
Giapasabot pa ni Asoy nga dili usab basta-basta na lang nga mudawat og pasyente ang legit nga dentista kung walay record sa laing dentista ug referral form.
Samtang kasong kalapasan sa RA 9484 o Anti-illegal practice of dentistry ang nakatakdang ipasaka batok sa fake dentistry
