CEBU CITY-Gilibkas na sa Philippine Coast Guard ang kanselado nga biyahe sa Cebu ug sa Probinysa sa Bohol subay sa pagkuso-kuso ni Bagyong Ompong sa nakalabay nga mga adlaw./
Kini ang gibutyag ni Lt. Michael John Encina ang tigpamaba sa PCG-7.Gipahibalo ni Encina nga tanang biyahe sa Cebu ug Bohol gi resume na gawas nalang sa biyahe padulong sa Southern Luzon, Western Visayas ug Eastern Samar.
Gitino ni Encina nga ang mga barko nga dunay 250 tonelada paubos ang wala gitugutan nga mibyahe sa naasoy nag dapit tungod gihapon sa hanging habagat.
Subay niini, mapasigarbohon usab si Encina nga walay natala nga major maritime incident nga natala sa PCG atol sa pag-igo ni Ompong kini tungod na usab kay matud pa hugot sila nga nagbantay og nagmonitor kung diin wala pa nakalandfall ug nakasulod si Ompong sa Pilipinas nagkanselar na sila sa biyahe.
Gisabot nalang usab ni Encina ang pipila nga bisan paman sa impormasyon nga ilang gipakatap naa gyud gihapon na stranded.
