Cebu City- Upat ang patay sa nahitabong landslide sa Brgy Tinaan ug porsyon sa Brgy Naanad, dakbayan sa Naga Cebu.
Ang mga namatay mao sila si Beatrice Hope Chavez, 4 anyos, Olivia Moral , 63 anyos, Arabel Lobiano 53 anyos,ug Romeo Javanilla 50 anyos.Pasado 5:30 ganihang buntag sa dihang namatikdan sa mga residente ang pagdahili sa yuta gikan sa bukid sa Sitio Tagaytay sa nahisgutang barangay .Gikaingong wala makagawas ang uban sanglit nangatulog pa .
Miapelar usab ug pag ampo ang Mayor sa dakbayan sa Naga, Mayor Christine Chong. Matud sa mayor nga prayoridad gayud nila nga ma rescue ang mga natabunan nga mga residente. Kasamtangan usab nga gipahiluna sa Enan Chong activity Center ang kapin 300 ka mga pamilya nga apektado sa maong landslide.
Dali usab nga mirespondi ang ubang mga rescue team, gikan sa ubang dapit sa Sugbo. Mipasalig usab ang lokal nga kagamhanan sa Naga nga sila na ang muabaga sa pagpalubong sa mga nangamatay sa insidente.
Ipaubos usab sa state of calamaity ang lima ka mga barangay nga apektado sa landslide nga gilangkuban sa Tinaan, Naalad, Mainit, Pangdan ug Cabungahan.
