Cebu City-Gipasuspenso mismo ni DENR Secretary Roy Cimatu ang operasyon sa APO Land and Quarry Corporation ug gimando niini ang force evacuation sa mga residente nga nagpuyo dool sa quarry site sa Naga City Cebu.
Kini human sa nahitabong landslide kung diin muabot na sa 29 ang ihap sa mga namatay ug dili muminos sa 50 ang missing.
Gitangtang na usab sa kalihim ang 4 ka mga top officials sa Mines and Geo-sciences Bureau (MGB)-7 ug gipaubos kini sa imbestigasyon .
Ang mga gitangtang sa pwesto mao sila si Dennis Alita supervising geologist sa MGB, Atty. Gerardo Mahusay ang chief Finance and Administrative Division , Al Birador ang chief geologist ng MGB ug hasta na ang regional director sa MGB7 nga si Loreto Alburo.
Matud sa kalihim nga gipaubos na sa imbestigasyon ang mga top officials sa MGB 7 para sutaon kung duna ba kini kakuwang o kung gibpasagdan ba nila ang ilang katungdanan.Magpadala usab og team ang gikan sa MGB central office si Cimatu para magpahigayon og imbestigasyon sa nahitabong landslide.
Gisuspenso usab ni Cimatu ang tanang nga quarry operations sa Region 1, 3, 4A, 5,7,11,10 ug 13 sulod sa 15 k diyas samtang nagpahigayon og assessment ang MGB para msasiguro nga luwas ang mga tao nga nagpuyo sa quarry site.
Kauban usab ni Secretary Cimatu nga mubisita sa mga biktima sa landslide si DSWD secretary Virginia Orogo . Nagpagawas na usab og pondo ang DSWD para maapud-apud sa mga pamilya sa mga namatay sa insidente. Gihangyo usab nini ang mga residente nga gisunod lang nila ang ang mga lokal nga opisyal para malikayan ang dugang pa nga kadaot.
Samtang nagpahigayon usab og kaugalingong imbestigasyon ang APO Land and Quarry Corporation kalabot sa nahitabong landslide sa ilang quary site. Matud kang Chito Maniago sa APLC ,nga gitagaan usab niini og gibuug-aton ang mga gipagawas nga cease and desist order ni Mayor Kristine Chong ug wala sila nagpahigayon og quarry operation sa lugar.
Ang mga heavy equipment matud pa nga nakita ng mga residente, gigamit kini para sa ilang road improvement . Giimbestigahan usab nila ang ilang sakop nga giingong nag-awhag sa mga residente nga dili na mahadlok tungod kay 20 ka tuig pa matud pa ayha muhulpa ang yuta bisan pa sa mga dagkong liki nga nasigpatan sa bukid.
Maghatag usab og tabang ang naasoy nga kumpanya sa biktima sa insidente.
