CEBU CITY – Aduna pay laing mga kauban ang 7 ka mga namatay sa shoot out sa Sitio St. Michael Brgy Pajac, dakbayan sa Lapu-lapu.
Matud ni S/Supt. Limuel Obon nga dunay 10 ka mga kaubanan ang kadtong 7 ka mga nangamatay nga gituhang miembro sa gun for hire ug mga newly identified drug personalities sa lugar.
Matud pa nga subject karon ang 10 sa manhunt operation sa kapulisan. Nagdeploy na usab ug pwersa sa ang Lapu Lapu City Police Office sa lugar.
Matud ni C/Insp. Mark Sucalit ang head sa CIB sa Lapu-Lapu City Police Office nga maoy nangulo sa operasyon nga duna silay nadawat nga report nga dunay armed person sa naasoy nga lugar hinungdan nga dali nila nga giadto ang lugar kauban ang Police Station 2, Police Station 4; City Mobile Force Company (CMFC),Police Station 3, ug Police station 5.
Pagsaysay ni Sucalit nga sa dihang miabot sila sa area giunhan sila og pusil sa mga suspect hinungdan nga mibalos ang kapulisan ug nahitabo ang shoot out nga gikamatay sa 7 ka mga suspect.
Gi-angkon ni C/Insp. Sucalit nga taud-taud na sila nga nakadawat og report kalabot sa iligal nga aktibidad sa mga napatay gani mga police asset pa kini ug duna pay mga high powered fire arms.
Naila ang mga napatay nga sila Abundio de la Torre Jr, Allan de la Torre, Mohaimen Conda Mauyag, alyas Jovan, Shainoden Dimasimpan, alyas Mantak ug Manuel Pepito nga puro mga residente sa naasoy nga dapit.
Dali usab mga gihiling sa soco ang crime scene ug matud pa naa kini na recover nga mga shabu apan mao pa kini karon ang ilang gipaabot kung unsa pa nga mga item ang nakuha sa crime scene.
Samtang, giubutyag ni C/Supt. Debold Sinas, regional director sa PNP, nga abli ang PRO-7 sa bisag unsa man nga imbestigasyon sa nahitabong shoot-out sa dakbayan sa Lapulapu.
Matud ni Sinas nga lehitimo ang ilang operasyon ug wala sila angay nga ikabalaka sa unsa mang imbestigasyon nga ipatigayon. Matud pa nga sila usab sa ilahang habig nagpahigayuon usab sila ug imbestigasyon sa ilang mga sakop kabahin sa nahitabo.
