Mga opisyal sa Brgy Tejero , nagnegatibo sa drug test !

Cebu City- Nagnegatibo ang mga opisyal sa Brgy Tejero sa gipahigayon nga drugtest sa buhatan sa Police Regional Office 7.

Kini maoy gikumpirmar ni Police Chief Supt Debold Sinas, ang regional director sa Police Regional Office 7.

Gikalipay ni Sinas ang resulta sa maong drugtest ug napamatud-an gayud sa mga opisyal sa maong barangay nga dili sila tiggamitan og iligal nga drogas.

Nasayran nga niadtong Oktubre 9, niadto mismo sa buhatan sa PRO7 ang mga opisyal sa nahisgutang baranggay aron limpyuhon ang ilahang pangalan human mapasanginlan nga dunay kalambigitan sa pagpayuhot og ginadiling drogas.