Cebu City- Gipahamtangan og 15 ka tuig nga pagkabilanggo ang usa ka 24 anyos nga lalaki human kini mag plead guilty sa gi-atubang nga kaso kalabot sa human trafficking.
Gipaubos na lang sa kasong Attempted human trafficking ang kaso nga gi-atubang sa akusado nga si Paul John Berame gikan sa original niadtong kaso nga Qualified trafficking in persons human kini mi-angkon ang iyang sala atubangan mismo ni Honorable Judge Christine Muga Abad sa RTC Brancxh 53 sa Lapu-lapu City
Ang kaso nag-ugat niadtong Abril sa nakalabay nga tuig sa dihang masikop sa mga otoridad si Berame sa usa ka entrapment operation sa usa ka Brgy sa dakbayan sa Lapu-lapu kung diin 3 ka menor de adad nga babae ang na rescue.
Sa wala pa ang operasyon nasuta sa surveillance operation nga nalambigit si Berame sa Online sexual exploitation of children tungod sa pagbaligya niini og mga hubo nga litrato sa mga batang babae nga nag- edad og 6 anyos 14 anyos.
Gawas sa pagkapriso, giiingon usab sa korte nga magbayad og 650 thousand pesos isip danyos sa mga biktima.
