Cebu City-Wala gisalikway sa kapulisan nga dunay kontak sa sulod sa Cebu City Jail ang suspek nga nadakpan ug nakuhaan ug kapin 6 milyones nga kantidad sa shabu kagabie nga si Jomarie Castro, 24 anyos ug residente sa Sityo Kalubihan, Brgy Kalunasan dakbayan sa Sugbo.
Gikumpirmar ni Police Chief Inspector Jacky Bilibli , ang hepe sa Guadalupe Police Station nga ang subject ang anak sa usa ka tighimo og lapida sa Carreta Cemetery nga una na usab nga nasikop sa kapulisan human makuhaan ug kapin 5 milyones nga kantidad sa shabu.
Ang amahan ni Castro nga si Joel Castro ang kasamtangan karon nga na priso sa Cebu City Jail.Matud usab ni Bilibli nga usa ka bigtime ng drug courier ang suspek apan mahulagway usab nga small time lamang kini nga drug pusher.
Base sa inisyal nga imbestigasyon aduna kini gibutyag nga pangalan sa iyahang ka transaksyon apan wala matud pa kini makahibaw sa apelyido.
Nakuha na usab sa kapulisan ang cellphone niini ug nakatakda nga ipaubos sa imbestigasyon sa posibilidad nga duna pay makuha nga mga impormasyon nga makatabang sa kaso.
