Cebu City-Gilauman nga musaka pa ang presyo sa buwak nga gibaligya sa mga sementeryo karong umaabot nga adlaw sa mga patay.
Sa pagkakaron ang mga buwak nga gibaligya gawas sa sementeryo ang nagkantidad ug 30 ngadto sa 50 pesos matag usa ka buwak nga na desisyo na daan sa mga manugbaligya.
Sa Carreta cemetery gibutyag ni Shiela Mae Catacutan kinsang manugbaligya og buwak sa maonbg sementeryo, gibutyag niini nga mahimo pang musaka ang presyo niini samtang nagkaduol ang Nobyembre 1 ug 2.
Ang usa ka buwak nga na arrange sa kahoyt mahimo nga mukabat sa 100 ang usa ka set niini.Apan mahimo pa nga maubsan ang presyo sa higayon nga ila na kining ipaubos aron walay mahabilin sa ilang tinda.
Apan gipasalig sa mga manugbaligya ug buwak nga dili sila mahutdan ug supply niini samtang nagkaduol na sa Nobyembre 1 ug 2. Kini maoy gibutyag ni Cesar Canoos, kinsang usa ka manugbaligya ug buwak nga gikan sa Pong-ol Sibugay, bukirang bahin sa dakbayan sa Sugbo.
Matud ni Canoos nga daghang supply ang e deliver kanila matag hapon ug gane dili kini mahurot hangtud sa pag abot sa adlaw sa mga Santos ug mga kalag.
Pipila sa mga halinon kaayo nga mga buwak karong adlaw sa mga patay mao ang Golden, wonder white, lavender nga gibaligya sa tag 50 pesos matag usa ka dosena, ang Taiwan, tag 80 pesos ang usa ka dosena, 100 pesos usab ang dosena sa anthorium , tag 60 ang dosena sa Aster, 100 pesos ang dosena sa golden rod samtang 60 pesos usab ang dosena sa Grandiola ug 5 ka stick sa ginger torch gibaligya sa tag 100 pesos.
Samtang nagkadaiya usab ang presyo sa pilit, diin dunay tag 60 pesos, 80 pesos ug 54 matag kilo dependi sa lugar nga gikuhaan niini.Ang kamay nga puti tag 60 ang kilo samtang ang brown sugar tag 40 pesos matag kilo.
