Cebu City- Kapin 9 milyon pesos ang kantidad sa shabu nga nasakmit sa otoridad sa nagsunod nga buybust operations sa dakbayan sa Cebu ug Talisay .
Una nga nasikop sa gipahigayong buybust operation sa Pari-an Police station si John Ryan Saballa, 18 anyos ug residente sa Brgy. Lorega San Miguel, sa naasoy nga lungsod. Nakuha gikan sa subject ang 160 grams nga shabu nga dunay DDB value nga 1.7 million pesos.
Samtang, sunod nga nasikop sa Provincial Drug Enforcement Unit ug Provincial intelligence Branch sa dakbayan sa Talisay ang usa pa ka subject sa buybust operation nga si Cheryl Herongay nga taga Brgy Lawaan 1 Dakbayan sa Talisay diin lakip nga nasikop ang bana niini nga si Essel Herongay ug ang mga kauban niini nga sila Teodoro Templatura,Rolly Flores,Suzette Bobier, John Canedo ug Jeromy Herongay kun diin nakuhaan kini sila sa kinatibok-an og 240 gramos nga kabug-aton kun mobalor ngadto sa 2.8 milyones ug 1 ka caliber 45 nga armas ug KG9 nga armas nga pulos adunay buhing bala
Atol usab sa gipahigayon nga follow up operation sa Brgy Dumlog Talisay diin nasikop mao si Arnel de Lima kun diin nakuhaan kini og shabu nga mokabat ngadto 500.5 gramos nga mukantidad og P5.9 M .
lakip na usab ang nasikop mao ang kauban sa subject sa follow up operation mao si Shelfred Regidor ug lain pang duha ka mga personalidad nga sila si Remil Cortez ug Joshua Tan kinsang padayon pa nga gipangita sa mga operatiba diin nakuhaan og 2 ka large nga pakiti nga shabu nga adunay gibug-aton nga 50 gramos kun 590 mil.
Matud pa ni PSI Alejandro Batobalonos nga nilungtad ngadto sa kapin 2 ka buwan nga gimonitor si Herongay ug ang duha nga at large tungod sa lapad nga pamaligya og illegal nga drugas sa Probinsya sa Sugbo.
Dako usab ang pagtuo ni Batobalonos ang posibilidad nga motabok sa lain pa nga silingan nga probinsya ang pamaligya og illegal nga drugas tungod base sa nakuha nga ebidensya nga maka pamaligya kini og kinilo nga matag transaksyon.
Ang maong operation gipahigayon kini nga gipangulohan sa hepe sa PIB PCI Christoper Natnat, Provincial Drug Enforcement Group ug Philippine Drugs Enforcement Agency (PDEA7.
Kasamtangan nga gikustodiya sa PIB ang mga dinakpan ug mag atubang og kaso nga kalapasan sa RA 9165 sect 11 ug 5 kun pagkupot ug pamaligya sa illegal nga drugas.
