Bag-ong opisina sa LTO sa Lapu-lapu City giingong 2 minutos lang mahuman na ang imong transakyon?

Cebu City-Laing pwesto sa LTO-7 (Land Transportation Office) ang hingpit nga gi-ablihan.

Duna na usab kini pwesto sa usa ka dakong mall sa may Brgy. Ibo Lapu-lapy city kun diin pormal kining gi-ablihan kagahapong adlawa.

Matud ni LTO Regional Director Victor Caindec nga tungod sa bago nga opisina nga ilang gi-ablihan mas dali na unya ang pagproseso sa printing sa renewal sa mga lisensya.

Gipasalig niini nga dili mulapas sa 2 minutos mahuman na ang transaksyon.

Dugang pa usan ni Caindec nga kung kaniadto malangay tungod sa mga fixers, dili na matud pa kini karon magsilbi pa sa bagong opisina. Naglaum usab ang Director nga wala na silay madawat nga reklamo pa sa LTO niining bago nila karong nga pamaagi.