Cebu City- Upat ang patay samtang 2 ang nalandig sa tambalanan sa managlahing pagpamusil sa dakbayan sa Carcar sulod lamang sa kapin 7 ka oras.// Una nga gipusl kahapon sa hapon mao sila si Abner Barotag ug ang kauban niini nga wala pa matino ang identity sa Brgy Poblacion Ward 3 sa maong dakbayan.
Matud ni PO2 Celso Yanong , nga duna nay daan nga bikil ang mga biktima ug ang suspek nga si Jefril Umandak alyuas Jekjek human nga nasukmagan niini ang usa sa mga biktima.
Gikonpronta matud pa sa duruha ang suspek hinungdan nga nasuko kini ug gipamusil sila. Dead on arrival sa tambalanan ang wa pa matino nga biktima samtang kasamtangang nagpaalim si Barotag. Nakaikyas usab ang suspek human sa insidente.
Pito ka oras ang milabay, gipamusil usab ang upat ka mga lalaki samtang sila ang nag inom sa sitio Bonmbon Brgy Ocana, sa mao gihapon nga dakbayan.// Ang mga biktima mao sila si Primitivo Gemo ug Raprap Navares kinsang mga dead on the spot samtang dead on arrival sa tambalanan si Dondi Carvajal ug samdan usab si Sherwin Gemo.Matud ni PO2 Yanong nga nag inom ang mga biktima sa dihang kalit lang sila nga gipamusil sa duha ka mga lalaki nga nag-angkasanay sa motorsiklo. Nakuha sa crime scene ang mga kabhang sa 9mm. Blangko pa ang kapulisan sa motribo sa maong pagpamusil apan ang usa sa mga biktima ang naa sa drugs watchlist sa kapulisan.
