Cebu City-Gikatakda na nga magdagan ang mga electronic jeepneys sa dakbayan sa Lapu-Lapu.
Kini ang gipahibalu ni Marvin Arias, ang chairman sa UDOTCO.
Gipahibalu ni Arias nga adunay inisyal nga 100 ka mga units ang ipa-operate ang ilahang kooperatiba kung diin sweldado ug adunay kumpleto nga benepisyo ang mga drayber.
Matud pa nga adunay daghang kooperatiba ang mipadayag nga mu-purchase sa maong e-jeep. Gihulagway niini nga daku ug deperensya ang e-jeep sa kasamtangan nga mga public utility jeepney (PUJs) gumikan kay usa kini ka solar-electric nga jeep hayan dili na kini kinahanglan pa nga butangan ug gasolina.
Sigon ni Arias nga environmental friendly kini gumikan kay walay aso nga mugawas niini gikan sa gasolina.
Samtang, gitataw usab ni Arias nga masulud ang 30 ka mga pasahero sa e-jeep kung diin libre nga makagamit sa WiFi, indibidwal nga electric fan, telebisyon, ingun man mamahimu usab nga maka-charge sa cellphone o sa bisan unsa mang gadget.
