Cebu City-Sikop sa gipahigayong hini-usang operasyon sa kapulisan sa Provincial Intelligence Branch , Carcar City Police station ug sa Department of Energy (DOE) ang duha ka mga nagbaligya og mga iligal butane refill.
Ang mga dinakpan mao sila si Oliver Aleonar, 42 anyos residente sa Vicente St. Sitio Cogon diin nakuha niini ang 504 ka mga empty butane canister, 3 ka 50 kilos nga LPG tank, 9 ka improvised refilling machine ug 2 ka timbangan.
Lakip nga nasikop mao si John Roderick Alcarez, 52 anyos ug residente usab sa maong lugar diin nakuha niini ang 1176 loaded butane cannister, 504 empty butane canister, 3 improvised refilling machine, 2 ka 22 kilos nga LPG tank ug weighing scale kon timbangan.
Matud ni Aleonor nga napugos lamang kini sa pagdawat sa mga magpa refill nga butane sanglit layo matud pa ang refilling station sa ilang lugar.
Samtang matud ni Brgy. Poblacion Carcar Kapitan Baltazar Rojo nga wala jud kini nagkuwang sa pagpahimangno sa iyahang mga konstituwenti kabahin sa maong iligal nga kalihukan.
Sigon niini nga bisan pa og paryenti dili niini ilhon ug ipatuman gayud ang balaud.
