CEBU CITY – Usa ka lalaking puya nga gilabay sa basurahan ang napalgan sa mga manghakutay og basura sa Sito Santa Cruz, Bario Luz dakbayan sa Sugbo, Mierkules sa buntag.
Matud ni Renito Pelago kinsang usa ka barangay tanod sa Bo. Luz , nga samtang nagkarga ug basura ang mga loader sa dumptruck, naukayan matud pa nila ang usa ka puya nga gibana bana nga nag edad og 5 ka bulan nga nabutang carton. Gituohan nga bag-uhay pa kini gilabay sanglit basa basa .pa ang lawas niini.
Kumpleto na ang pagka porma sa lawas sa maong puya sa dihang napalgan kini sa mga basurero. Dali nga gikuha ang wala nay kinabuhi nga puya ug gidala sa opisina sa barangay tanod samtang gipaabot ang mga sakop sa kapulisan.
Ang mga sakop na mismo sa Mabolo Police Station ang midala sa puya sa usa ka punerarya aron nga mapahiluna ug malubong opg tarong.
Matud ni Police Chief Master Sergeant Antonio Din sa Mabolo Police station nga ilang sutaon ang kuha sa cctv sa lugar aron makita kung kinsa ang milabay sa maong puya.
