CEBU CITY-Muabot sa 3.4 million pesos worth ang kantidad sa shabu nga nasakmit gikan sa usa ka 17 anyos nga driver og e-bike atol sa drug operation nga gipahigayon sa City Intelligence Branch (CIB) ug sa City Drug Enforcement Unit (CDEU) sa may Brgy. Duljo dakbayan sa Sugbo
Ang 17 anyos nga subject ang gi-surveillance sulod sa 8 ka adlaw ug sa dihang na confirm dali dayon kining gi-operasyonan kung diin nakuha gikan niini ang tunga sa kilo nga shabu.
Samtang gi-angkon sa subject nga igo ra siya gisugo para mu-deliver sa maong mga shabu sa bugti nga 500 pesos.
Wala matud pa kini makaila sa nagsugo kaniya sanglit itunol lang kini nga pinutos na sa lain usab nga tao ug ipahatod sa wala usab niya mailhi nga mga customer.
Gibutyag usab niini nga ika 4 na ka higayon kini niyang gibuhat.
Nasuta nga duna nay pamilya ang maong 17 anyos nga subject apan nag-eskwela kini karon isip Grade 8 student.
Muhalin usab matud pa kini og 300 pesos sa iyang pagpamasahero gamit ang e-bike.
