CEBU CITY-Paglimit o pagbiya sa cellphone ang mensahe sa Papal Nuncio to the Philippines atol sa closing remarks niini sa pagtak-op sa National Youth Day 2019 karong adlawa nga gipahigayon sa dakbayan sa Sugbo.
Sa closing mass nga gi-precide mismo ni Papal Nuncio Gabriele Giordano Caccia gihimug-atan niini ang grabe nga pagkagumon sa mga batan-on karon sa cellphone.
Gi-awhag sa Apostolic Nuncio ang mga kabatan-onan nga mubiya o dili sa pagpalabi sa pagamit sa mga gadget sanglit tungod niini dili na nila masabtan ug hinay-hinay na nga mawala ang mga values nga gitudlo sa simbahan ug ingon sa man sa mga naandan.Usa na niini ang kahulugan sa komunikasyon.
Pagtino ni Caccia nga ang pagkontakay sa mga batan-on pinaagi sa cellphon o sa social media ang dili pasabot nga kini usa na ka matang sa komunikasyon. Ang tinood nga kahulugan sa kinabuhi matud pa dili ang pagkontak sa isig ka tao inay ang pakigkomunikasyon niini.
Kinahangkan usab nga dunay panahon ang mga kabatan-onan karon sa ilang kaugalingon nga gitawag sa Nuncio nga “silence”.
Gipasabot ni Caccia nga ang bunga sa “silence” (kahilom) mao ang “prayer” (pag-ampo), ang bunga sa “prayer” mao ang “faith” (pagtoo), ang bunga sa “faith” mao ang “love” (gugma), ang bunga sa “love” mao ang “service” (serbisyo) ug ang bunga sa “service” mao ang “peace” (kalinaw).
Subay sa pagtapos sa National Youth 2019 nanghinaot ang apostolic nuncio nga ang mga kabatan-onan ang mamahimong instrumento sa gugma, kalooy ug kalinaw sa nasud.
