CEBU CITY-Mukabat sa 1.7 million pesos ang kantidad sa shabu nga nasakmit sa gipahigayon nga Joint Buybust Operation sa Drug Enforcement Group ug sa Carbon PNP sa Sitio Baracks Brgy. Ermita.
Naila ang nasikop nga si Erwin Barron Estrella, 23 anyo ug residente sa Brgy. Labangon niining dakbayan. Miangkon usab kini nga iya ang shabu nga nakuha ug nagkanayon nga dunay bugti nga 5 mil pesos ang malampuson niini nga pagdispose sa shabu.
Matud pa usab niini nga karon lang siya mi-apil niining maong iligal nga buhat.
Samtang nagkanayon si Police Major (PMaj) Randy Caballes ang hepe sa Carbon PS nga naa sa ilang drug watchlist si Estrella ug dugay na kini nilang gimonitor.Nakuha gikan niini ang binulto nga shabu nga dunay gibug-aton nga 250 gramos.
Duga pa niini, duna matud pay dako ug bago nga Drug Group karon sa Sugbo. Kini ang gibutyag ni Police Lieutenant Colonel (PLtCol) Glenn Mayam , ang hepe sa Drug Enforcement Unit (DEU) subay sa pagkasikop ni Erwin.
Sigon ni Mayam nga usa ka distributor si Estrella og dagko nga transaksyon sa kinatibuk-ang dakbayan ug ingon man mga munisipalidad sa probinsya sa Sugbo.
Magdepende matud pa kini kung asa ang lugar sa ilang pagdispose.Makadispose usab si Estrella ug matud pa labing minos 500 grams nga shabu matag transakyon.
Subay niini,dako ang pagtoo ni Mayam nga bago ug dako kini nga grupo karon ang nagpaluyo sa maong mga iligal nga transaksyon.
