CEBU CITY- On going ang search and retrieval operation sa usa ka driver sa dumptruck nga natabunan sa mga basura nga midahili sa dumpsite sa Sitio Manataya Brgy. Polog lungsod sa Concolacion kagahapon pasado ala una sa hapon.
Ang biktima kinsang nalubong sa basura giilang si Rudolfo Malasaga, 34 anyos ug nagpuyo sa Brgy. Labangon Cebu City.
Basi sa imbestigasyon, padulong na unta nga magyabo sa basura si Malasaga sa dihang midahili ang landfill. Nakadagan matud pa ang kauban niini nga naa sa likod sa dumptruck apan wala naswertehe si Malasaga ug nalubong buhi.
Tungod kay wala pa ig kita ang lawas ni Malasaga hangtud niining mga taknaa, naglagot na ang asawa niini nga si Analyn Lopez. Sigon niini, nga wala tabangi ang iyang bana ug wala kini gi rescue dayon ug gipasagdan lang.
Gitawagan nalang matud pa siya sa mga kaubanan sa iyang bana nga duna nay dautang nahitabo niini./
Samtang nagkanayon si Police Corporal Jesus Bernardo Lukmayon sa Concolacion PNP nga lisod matud pa para sa mga rescuers nga musulod ug mag-istar og dugay sa dumpsite tungod kay delikado nga sila na usab ang matabunan sa mga basura.
Sa laing bahin,gihulagway ni Jelin Gualisa kinsang usa sa mga manguykuyay og basura sa naasoy nga landfill nga daw sama nga naglilo ang basura sa dihang kini midahili hinungdan nga nataranta siya ingon man ang iyang mga kaubanan ug nagdinaganay na sila.
Matud niini nga kalit ang panghitabo ug wala na siya masayod sa misunod pang panghitabo. Nagtakin-takin pa matud kini sa ilang mga basura nga nanguykuyan sa dihang nagdinaganay na.
Hinoon, gi-angkon ni Gualisa nga gipahimangnu-an na sila nga magbantay-bantay sa maong landfill basin nga mudahili na kini sa kadaghan na sa basura.
