CEBU – Gidudahan karun ni San Fernando Mayor Lakambini ‘Neneth’ Reluya nga mga tawu sa iyahang kaatbang sa politika nga si Ruben Feliciano ang mga nasikup nga kalalakin-an nga mi-ataki sa Barangay Bugho, lungsod sa San Fernando ug misangput sa engkwentro tali sa AFP.
Kini human nga giingung nagpadala ug abogado si Feliciano alang upat ka mga dinakpan.
Gibutyag ni Mayor Reluya nga dili magpadala ug legal counsel si Feliciano kung dili niini tawu sila si Romeo Oles, Manuel Alidon, Anastacio Soles at Presco Tapales.
Giawhag na lang niini si Feliciano nga ipakita sa mga tawu ang plataporma alang sa lungsod ug dili pulus pagpanghadluk ang buhatun.
Matud pa sa mayor nga wala may dautan kung gustu sa iyahang kaatbang nga kuha-un ang atensyon sa mga tawu, apan dili lang sa negatibo nga pamaagi.
Nasayran nga una nang gihimakak ni Feliciano ang pasangil sa kampo ni Reluya ug giingung mupasaka kini ug kaso gumikan sa giingung siya ang na-harass sa nahisgutang panghitabu.
