-- ADVERTISEMENT --
(Hulagway gikan sa Talisay Police Station)
CEBU CITY — Nasikop ang giingong usa ka myembro sa international drug syndicate ug laing 2 atol sa gipahigayon nga buybust operation sa Brgy. Dumlog, dakbayan sa Talisay.
Giila ang target nga si Mark Navarete Toh, 28 anyos, ug nagpuyo sa nahisgutang lugar. Sikop usab atol sa operasyon silang Ruferd Gella, 32 anyos; ug Juanito Amahan Jr., 34 anyos.
Nasakmit gikan sa mga dinakpan ang 21 gramos sa shabu nga nagkantidad og P145,000.
Matud sa hepe sa Talisay Police Station nga si Lieutenant Col. Marlu Conag nga gituohang nalambigit si Toh sa usa ka international drug syndicate nga nagbase sa Dubai.
Nabalhog ang mga dinakpan sa Talisay Detention Cell ug pasakaan og kasong kalapasan sa Republic Act 9165 o Comprehensive Dangerous Drugs Act.
-- ADVERTISEMENT --
