CEBU CITY– Mibati usab si Cebu Archbishop Jose Palma sa kasakit nga gitagamtam karon sa mga ginikanan ug kabanay nga namatyan sa ilang mga anak human sa nahitabong aksidente sa lungsod sa Boljoon diin nalimbuwad ang usa ka mini dump truck nga gisakyan sa ubay-ubay nga mga estudyante para unta sa district meet niadtong Biyernes sa kaadlawon.
Kini ang gi-paabot nga mensahe ni Episcopal Vicar Msgr. Ruben C. Labajo, usa sa parish priest sa Cebu Metropolitan Cathedral nga maoy nagprecide sa misa alang sa paglubong sa mga biktima sa naasoy nga lungsod.
Matud ni Labajo nga ang mga ka obispohan sa Sugbo nasubo usab mao nga siya ang gipadala ni Palma didto para mupahigayon sa misa.
Matud pa usab niini nga madawat ra man gyud sa tao ang kamatayon apan ang nahitabo sa 8 ka estudyante ug usa ka ginikanan nga namatay ang usa sa pinakalisod tungod kay kalit ug sakit kini nga matang sa pagkahitabo.
Hayan mi-awhag matud pa ang arsobispo og pag-ampo para sa mga biktima aron sa dayon niini nga pagpahulay
Gawas niini mitunol usab ang simbahan og cash assistance alang sa mga biktima.
