-- ADVERTISEMENT --
CEBU CITY — Patay ang usa ka gwardya human nga aksidenteng naunay og igo sa kaugalingon niyang service firearms sa usa ka dagkong tindahan sa Brgy. Bulacao, dakbayan sa Sugbo.
Giila ang maong gwardya nga si Joramie Sangilan, 24 anyos, ug nagpuyo sa dakbayan sa Talisay.
Matud ni Police Chief Master Sergeant Renel Chavez, ang imbestigador sa Pardo Police Station, nga sa dihang nakatulog si Sangilan, natagak ang iyang .38 revolver ug kalit lang kining mibuto.
Naigo si Sangilan sa iyang wala nga dughan hinungdan nga gidala kini sa tambalanan apan nakabsan kini sa kinabuhi.
Giklaro ni Chavez nga walay nakit-ang foul play atol sa maong insidente.
-- ADVERTISEMENT --
