CEBU CITY — Huwaton lang una sa Environmental Management Bureau (EMB)-7 ang report aron masuta ang nahitabo sa Therma Visayas Inc. (TVI) diin mipagawas og ngil-ad nga baho ang ilang coal-fired plant.
Kini human nga gikabak-an sa mga residente nga nag-atos sa baho niini diin apektado, matud pa, ang ilang panglawas.
Matud ni EMB-7 Director Engr. William Cuñado nga nakadawat sila sa report sa naasoy nga reklamo human nga mi-agi kini sa regional office.
Nagpadala sila dayon og duha ka tao mga official representive alang sa pag-imbestigar ug pag-verify niini.
Dili pa hinuon sila mubuhi og pamahayag kung dili pa nila makita ang report.
Apan gisisguro ni Cunyadp nga kung dunay nakitang kalapasan ang TVI mag-atubang gayud sila sa og responsibilidad.
Subayon usab ni Teody Navea, ang convener sa Philippine Movement For Climate Justice (PMCJ) ang buhatan sa TVI sa Toledo City para patubagon.
Kini aron nga matagaan og solusyon ang nahitabo sa mga apektadong barangay sa nahisgutang dakbayan sama lang sa Brgy. Awihay, Poblacion, ug Bato.
Matud ni Navea nga ubay-ubay na mga reklamo nga gidangop kanila sa mga residente sa naasoy nga dapit diin adunay gibuga nga baho ang maong planta.
Importante alang ni Navea nga mahisgutan og matuki kini nila sa labing dali nga panahon aron nga dili na mugrabe pa.
Nasayran nga nangasakit na ang mga residente diin gipang-ubo sila, ug adunay tuberculosis ang uban tungod sa baho sa coal plant.
Nasayran nga nagka-aberya ang maong planta diin duna matud pay kemikal nga migawas nga maoy nagmugna og grabeng baho sa naasoy nga lugar.
Angayan lang matud pa niini nga dili maapektohan ang mhga residente ug angayang aksyonan. (FDP/GN)
