Ordinansa para sa solo parents sa Cebu City giduso

Plano karon ni Cebu City Councilor Alvin Dizon nga muduso og ordinansa alang sa mga solo parents.

Kini aron sa paghatag og mga ‘incentives’ sa mga solo lamang nga ginikanan ilabina ang mga kabos.

Kung ma-aprobaran ug ma-implementar ang maong ordinansa, makabaton og discount nga 10% ang solo parents sa mga paliton niini nga mga school supplies sa iyang anak, medisina ug uban pang mga basic services.

Samtang ang mga ‘indigent’ kun kabos, ang tagaan og priority sa mga services sa city hall sama na lamang sa mga livelihood programs.

Pinasubay usab ang categorya niini sa solo parent law.

Giklaro usab ni Dison nga mu-agi pa sa public hearing ang maong ordinansa ug abli siya alang sa mga recommendation ug mga proposal.