Moabot sa kapin P1-million nga kantidad sa ginadiling drugas ang nasakmit sa managlahing buybust operation sa dakbayan sa Sugbo kagabii.
Ang mga dinakpan mao sila si Marvin Aquino, hingkod ang panuigon, taga Sitio Kobar Brgy. Lorega ning dakbayan, John Leonard Gonzales, 19 anyos, taga Tres de Abril ug Rowena Legazpi, 34 anyos ug residente sa Brgy. T.Padilla.
Usa sa mga dinakpan ang giila nga usa ka Regional High Value Target nga si Gonzales kung diin nakuhaan kini ug 130 gramos nga shabu nga mibalor ug P884,000.
Samtang 12 ka gagmayng pakite sa shabu sa posisyon ni Aquino, ug 20 ka grams sa shabu gikan sa posisyon ni Legazpi nga nagkantidad ug P136,000.
Padayon ang imbestigasyon sa kapulisan ug diin sila magkuhaan og drugas ang mga dinakpan.
Mag-atubang ang mga dinakpan og kasong may kalambigitan sa ginadili nga drugas.
