CEBU CITY — Mas maayo matud pa nga ang bise presidente, presidente og tanang hingtungdang ahensya lakip na ang LGU ang magkahiusa aron sa pakigbatok sa iligal nga drogas.
Kini ang pamahayag sa kanhi Under secretary sa Dangerous Drugs Board nga si Atty. Clarence Paul Oaminal subay na usab sa issue kung diin human nga misaway si Vice President Leni Robredo sa War on Drugs ni Presidente Rodrigor Duterte tungod kay matud pa pakyas kini, gihatag sa pangulo ngadto ni Robredo ang pagdumala og paghatag og solusyon sa problema sa drogas.
Sigon ni Atty. Paul Oaminal, nga dili maayo nga ang presidente lang ang maningkamot niini nga maoy kasamtangang nahitabo, angayan matud pa nga magkahi-usa ang tanan.
Lingkuran matud pa kini og 2 ngadto sa 3 ka adlaw sa tanang sector para makakab-ot ug hini-usa nga solusyon inay nga magbinatoay og saway.
Dugang pa sa former Usec nga angayan nga lakip usab sa paglingkod niini ang mga otoridad sanglit sila ang angayang mu-abag niining kampanya sa iligal nga drogas. (sbr)
