Dili na ikahibulong ang pagtangtang ni Presidente Rodrigo Duterte kang Vice President Leni Robredo isip co-chair sa Inter-agency Committee on Anti-Illegal Drugs (ICAD) gumikan kay dili kasaligan ug utok ang Presidente.
Kini ang gibutyag ni Atty. Clarence Paul Oaminal, ang kanhi Under secretary sa Dangerous Drug Board.
Gibutyag sa manlalaban nga walay kaso ang pakigtabo ni Robredo sa mga sakop sa United Nations tungod kay importante usab nga adunay kalambigitan o kooperasyon ngadto sa laing nasud.
Dugang pa ni Oaminal dili usab angay ikabalaka ang pagpangayo ni Robredo sa listahan sa mga High Value Target ngadto sa Presidente gumikan kini mismo ang nihiklad sa mga katawhan nga anaa sa narcolist ug narco cops.
Apan, matud pa, posibleng aduna pay mga ‘unsanitized’ nga HVT o wala pa malimpyo ang mga pangalan nga anaa sa listahan nga mga higala sa Presidente hinungdan wala kini mohatag ngadto ni Robredo sa maong listahan.
Samtang gitataw usab sa anti-drug czar sa Sugbo nga usa sa wala mahatagan og pagtagad sa nasud mao ang anti-drug abuse program nga mao unta ang angayang hingusgan.
Kung diin pinaagi niini, kun makuhaan ang mga nalambigit sa drugas usa kini ka dako nga tabang sa pakigbatok sa ilegal nga drugas sa nasud. (Lahvi Quiñones)
