CEBU CITY-Nakasabot matud pa ang mga lumulopyo sa Brgy. Taptap apan dili gyud kini sila mutugot nga i-quarantine ang mga Persons under monitoring (PUM) sa COVID-19 ngadto sa Cebu City Resource Management and Development Center (Cremdec).
Nangisog ang pipila ka mga residente atol sa panagtapok kagahapon sa hapon, Pebrero 23,2020 ug duna usab nagpadayag sa ilang kahibaw kalabot sa hisgutanan sa COVID-19. Gihingusgan niini nga kung wala ‘y sakit ang ipamutang sa maong pasilidad ngano nga ibutang paman kini sa Cremdec ug ang uban usab nagkanayon nga mas maayo nga i-test nalang daan ang mga PUM ug ibutang sa laing faciliity ug dili lang sa Taptap.
Refer to the video on this link: https://www.facebook.com/BomboRadyoCebu963/videos/131217338231573/
Dugang pa niini, gumikan usab matud pa sa naasoy nga plano nga quarantine, gikahadlokan na ang mga taga Barangay Taptap sanglit ma-aan na sila sa uban nga dunay sakit.
Gani, ang mentality sa tao matud pa ang maoy problema gumikan kay mahadlok na kini og dunay magpacheck up nga taga Taptap ug maapektaran usab ang ilang mga panginabuhian sama sa pagpaninda sanglit wala nay mamalit gumikan kay nangahadlok.
Nasayran nga magpahigayon og signature campaign ang mga residente ug ipaabot nila kini ngadto ni Cebu City Mayor Edgardo Labella sa pangagpas ug paghangyo nga dili nalang ihinayon ang plano nga quarantine.
Refer to the video on this link: https://www.facebook.com/BomboRadyoCebu963/videos/643885489740261/
