CEBU CITY — Abli na ang sibyaanan sa Bombo Radyo alang sa pagdawat sa mga entries sa Buena Mano Salvo Year 15 kung diin manghatag kini og balde-baldeng papremyo ug pakapinan pa og cash prizes.
Mokabat ngadto sa P8.5-million ang kinatibuk-ang balor sa tanang mga premyo nga ipanghatag alang sa mga suki sa Luzon, Visayas, Mindanao, ug National Capital Region.
Sa Daily Studio Draw, tulo ang makadaug og P500 cash ug balde-baldeng papremyo apan kinahanglan makuha kini sulod sa 24 ka oras.
Samtang sa Weekly Barangayan Draw, 10 ang makadaug “on the spot” og P1,000 cash apan kinahanglan nga kuhaon dayon ang premyo sa sulod sa venue.
Kini nagpamatuod nga ang mga papremyo mismo gikan sa Bombo Radyo ang nagpaabot alang sa tanang mga mananaug.
Mipasalig mismo ang estasyonan nga tinud-anay ang paghatag og papremyo nga walay dagdag-bawas ug walay hokus-pokus.
Ipadala na sa sibyaanan sa Bombo Radyo Cebu ang entries sa Week 1 nga adunay proof of purchase sama lang sa Orocan, San Miguel Beer, Mix 10 Herbal Coffee, Scratch It, ug Silver Swan.
Alang sa kumpletong detalye kung unsaon pag-apil, basaha lang ang mga posters, paminaw sa DYMF 963 khz, o tan-aw lang sa Bombo Radyo Cebu Facebook live.
Atangi ang announcement sa Bombo Radyo alang sa unang hugna sa Daily Studio Draw ug Weekly Barangayan Draw. (gn)
